Ushtari amerikan Corey Banks ishte bërë i njohur në Kosovë përmes një video ku ai shihej duke kënduar këngën e reperit të njohur Capital T “Pse po ma lun lojën”.
Ushtari amerikan nuk ishte ndalur me kaq. Ai më pas filloi të këndojë edhe këngën e Capos, “Hatixhe”, transmeton Gazeta Express.
Këtij ushtari amerikan si duket i pëlqen shumë repi shqiptar, pasi pas këngëve të reperit Capital T, Corey ai ka kënduar edhe një këngë të dy reperëve të njohur Ledri Vula e Lumi B.
I veshur përsëri me uniformë, Corey shihet duke kënduar këngën “Krejt shokt e mi”. Këtë e kishte bërë të ditur vetë reperi Ledri Vula i cili këtë video e kishte publikuar në profilin e tij në Instastory.
