Në rrëfimin e tij të gjatë në Interaktiv, Gani Geci ka thënë se si personi që ky e ka vrarë, Ruzhdi Shaqiri ka shkaktuar një sërë krimesh.
“Ai ia ka marrë 170.000 euro haraç Shkurte Fejzës. Shkurtja e ka angazhuar një djalë për me u mbrojt prej Ruzhdisë. Ia ka dhanë 1500 Euro në muaj, veç me e mbrojt, me lanë rahat”, ka thënë Geci.
Sipas tij, Shaqiri ka qenë në burg me emrin Ilir Tahiri për plot katër vjet, dhe në një rast ka plagosur 12 persona në Pejton, në Prishtinë.
Geci e ka vrarë Ruzhdi Shaqirin para disa vitesh në Skenderaj, por thotë se këtë e ka bërë në vetëmbrojtje. Gjykimi për rastin pritet të nisë shpejt.
