Deputeti Labinot Tahiri, që përveç muzikës njihej edhe për aktivitete e tij humanitare ka thënë se në raste të ndryshme duhet të bëhen publike emrat e donatorëve.
Ai ka treguar raste te ndryshme që ka pasur gjatë kohës sa ka ndihmuar njerëzit në Kosovë. Tahiri ka përmendur edhe rastin kur i është bllokuar llogaria bankare.
“Llogaria më ishte bllokuar, pasi brenda 20 minutave erdhën 100 mijë euro. Bllokimin ma banën pasi thanë se nuk keni të regjistruar organizatë”, ka thënë Tahiri në T7.
Deputeti ka treguar se ka pasur edhe raste kur njerëzit kanë abuzuar me fonde dhe kanë tentuar të bëjnë mashtrime.
“ Kam pasur raste kur në emrin tim kanë kërkuar ndihma. Këto raste i kam raportuar në polici”, ka deklaruar ai.
