Këngëtari kosovar, Mehedin Përgjegjaj, i njohur si Meda, ka takuar sot ish-kryeministrin e Shqipërisë, Sali Berisha, në shtëpinë e këtij të fundit, në Tiranë, shkruan GazetaBlic.
Meda është shprehur se njëra ndër ëndrrat e tij jetësore ka qenë takimi me Berishën, teksa u shpreh shumë i lumtur se e realizoi atë. “Meda”, para Berishës, tha se familja e tij, ka pasur respekt të jashtëzakonshëm për ish-presidentin dhe ish-kryeministrin e Shqipërisë.
Këngëtari kosovar ia dha si dhuratë Berishës një album me këngë të përzgjedhur enkas për ish-kryeministrin.Kurse, Berisha, u shpreh se ka respekt për “Medën”, duke i thënë se ai i ka dëgjuar disa këngë të tij.Berisha tha se vecantia e Medës është fakti që ai i këndon jashtëzakonisht bukur dashurisë.
