Fiton miliona nga Instagrami, por nuk është qenie njerëzore… Njihuni me Mikelën (FOTO)

Si shumë të tjerë në rrjetet shoqërore, “Lil Miquela” poston foto me rroba të stilistëve të famshëm, të shoqëruara nga tituj të menduar me kujdes. Ajo vesh rroba nga kompani serioze si Proenza Schouler, Coach dhe Balenciaga, dhe rekomandon produkte flokësh nga Ouai që “t’i rrinë flokët të butë si mëndafsh”.

Mikela ka 1 milion ndjekës në Instagram, shumica prej të cilëve “milenialë” (të lindur pas vitit 1980) ose “brezi zero” (të lindur pas vitit 1990).

Mikela mbështet haptazi çështje shoqërore si manifestimet në mbrojtje të zezakëve të keqtrajtuar nga policia, “Black Lives Matters”, dhe ka bashkëpunuar me kompani si Prada për “Javën e Modës në Milano”. Madje, ka publikuar edhe disa këngë në Spotify.

Modelja 19-vjeçare nga Kalifornia e ka hapur llogarinë në vitin 2016 dhe ka marrë shumë famë në rrjetet shoqërore, me flokët e saj të zeza, shpesh të kapur me dy “topuza”. Ajo ka sy kaf, quka, dhe shkruan te profili se shkon në festivale muzikore si Coachella.

Leave a Reply

Your email address will not be published. Required fields are marked *