DailyMail ka shkruajtur kohë më parë për një zbulim të jashtëzakonshëm për Ilirët në Malin e Zi.
Shkruan gazeta prestigjoze britanike: “Ilirët ishin një grup i lashtë fisesh Indo-Evropiane, që jetuan në disa pjesë të Ballkanit Perëndimor dhe në brigjet e gadishullit italian rreth vitit 260 Para Krishtit.
Dihet pak për udhëheqësit e tyre, por kërkuesit thonë se tani kanë prova për pallatet e para të njohura të mbretërve Ilirë.
Arkeologët i kanë zbuluar dy vendet në Malin e Zi, në ata që ata e konsiderojnë si një “zbulim të madh dhe kardinal”.
Emri “Ilirë” mund të ketë të bëjë me një grup të gjerë njerëzish dhe të vështirë për t’u përcaktuar.
Është e paqartë nëse fiset e ndryshme flisnin apo jo të njëjtën gjuhë.
Fiset ilire nuk e identifikuan asnjëherë kolektivisht veten si “Ilirë” dhe ka pak gjasa që ata të kenë përdorur një emër kolektiv për veten.
Mbreti Ballaios ishte një Mbret Ilir i Ardiaeit.
Edhe pse kohët e fundit janë gjetur shumë monedha bronzi me fytyrën e tij, ky studim është i pari që gjen një vend ku mund të ketë jetuar ai.
Pas vdekjes së tij, besohet se pushtetin e mori Mbretëresha Teutë si udhëheqëse e Perandorisë Ilire.
Kërkimet po bëhen nga Antiquity of Southeastern Europe Research Center i Universitetit të Varshëvës, që po e studiojnë zonën që prej vitit 2000.
Një grup kërkuesish gjetën rrënojat e dy ndërtesave monumentale, të cilat ata parashikojnë se janë ndërtuar në vitin 260 Para Krishit.
Profesor Piotr Dyczek, që ka udhëhequr studimet, i tha Science në Poloni: ‘Të gjitha të dhënat që kemi grumbulluar tregojnë se kemi zbuluar një kompleks pallatesh të udhëheqësve të Rhizonit.
‘Këto janë strukturat e para të këtij lloji të zbuluara në zonën e Ilirisë, që mund t’i përkasin Mbretit Ballaios dhe Teutës.
‘Deri tani ne as që e dinim se këto struktura ekzistonin.’
