Sipas disa deklaratave të fundit të disa shkencëtarëve të Universitetit të Kalifornisë, të gjithë europianët janë kushërinj të largët me njëri-tjetrin.
Ky studim ka gjurmuar origjinën fisnore të popujve të Europës.
Studiuesit e njohur Coop dhe Ralph, kanë deklaruar se paraardhësit e italianëve kanë qenë fis me ata të spanjollëve.
Ata kanë shtuar se paraardhësit e shqiptarëve kanë pasur lidhje gjaku me ata të grekëve dhe maqedonasve.
Gjithsesi, dy italianë të sotëm kanë më pak kushërinj të lashtë të përbashkët se shqiptarët. Dy shqiptarë sot, kanë më shumë farefis të përbashkët në lashtësi se çdo popull tjetër.
Shkencëtarët kanë mbetur të surprizuar me këtë të dhënë që vlen për Shqipërinë dhe Kosovën. Kjo e dhënë tregon se shqiptarët e sotëm rrjedhin të gjithë nga një grup i vogël paraardhësish.
